غدر الحب

يا شين غدر الحب لصار في الأعماق شيناه
خلى صفي القلب يلزم من اللحظة سريره
جرحه عميق وحير الطب ما يعرف وش دواه
ما هو بكسر ٍ ينفعه صبخ وتفيد الجبيره
لو ينتداوى كان بالكي يمكن حصل شفاه
بس الأكيد القلب ينبي عنه جرة صريره
كله سبايب خاين العهد درب الزور ممشاه
كذاب سيرة عشقه ملفقة ما هي بسيره
أعطيه كاس الود يشرب ويروي منه مظماه
كنت أحسبه ظميان وأثره غشش وأسود سريره
يا زين منته زين دام المحيا شلت مغطاه
زين العيون الناعسة حاسته بصمة كبيره
لكن أنا جاملت يوم المجامل يسحب خطاه
كسر الخواطر ما لها في تجاريبي مسيره
النفس طابت منه ما عاد لي شفٍ و مشهاه
كلن في منهج سيرته حر و لسانه وزيره
مع السلامة هنت يا مجلس ٍ ضاقت زواياه
الضيف صدر من جنابك وخلى فيك عيره


ودي أشوف رإيكم فديتكم؟؟؟